കൊച്ചി: മരടിൽ വീടിൻ്റെ ഭിത്തി ഇടിഞ്ഞു വീണ് തൊഴിലാളി മരിച്ചു. നെട്ടൂർ സ്വദേശി നിയാസ് ആണ് മരിച്ചത്. ഇന്ന് ഉച്ചയ്ക്ക് ഒരു മണിയോടെ ആയിരുന്നു അപകടം. പൊളിച്ചു കൊണ്ടിരുന്ന വീടിൻ്റെ ഭിത്തി ഇടിഞ്ഞുവീണാണ് അപകടം ഉണ്ടായത്.
ഏറെനാളായി അപകടാവസ്ഥയില് നിന്നിരുന്ന കെട്ടിടമാണ് പൊളിച്ചു മാറ്റിയത്. കെട്ടിടം ഇടിയുന്നതുകണ്ട് ഈ സമയം അവിടെയുണ്ടായിരുന്ന മൂന്ന് തൊഴിലാളികള് ഓടി മാറിയതിനാല് വൻ അപകടം ഒഴിവാക്കുകയായിരുന്നു. നിയാസിനെ മറ്റു തൊഴിലാളികളും നാട്ടുകാരും ചേര്ന്ന് ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പോസ്റ്റ്മോര്ട്ടം നടപടികള്ക്കു ശേഷം മൃതദേഹം ബന്ധുക്കള്ക്ക് വിട്ടുനല്കും
Content Highlight : Worker dies after wall of house he was demolishing collapses in Maradu